Akademia Tiger e para në “7th Theranda Open 2016”

Akademia Taekwondo-së Hapkido-së ’’Tiger’’ nga Prishtina zuri vendin e parë në Garën e Taekwondo-së “7 Theranda Open 2016”
Të shtunën më datë 01.10.2016 në Therandë, u mbajt gara në sportin e Taekwondo-së, që organizohet për të shtatën herë nga Klubi Taekwondo Puma.
Në këtë garë u paraqitën 16 ekipe, mbi 160 garues, që ishte i një niveli të lartë me një konkurrencë të fortë. Ekipet pjesëmarrëse ishin: 6 ekipe nga Kosova, 6 ekipe nga Shqipëria 2 ekipe nga Mali i Zi dhe 2 nga Maqedonia.
Akademia e Taekwondo-së Hapkido-së Tiger, u paraqit me 33 sportistë nga të gjitha grupmoshat me një paraqitje jashtëzakonisht të lartë, ku arriti të shpërblehet si ekipi më i mirë, me vendin e parë.
Garuesit e Akademisë Tiger fituan gjithsej 30 medalje, prej tyre:
9 të arta, 8 të argjendta dhe 13 të bronzta.
Trajneri i akademisë Tiger Muhamed Saqipi shton: Në këtë eveniment “7th Theranda Open 2016” jemi të kënaqur për suksesin e arritur dhe i përgëzoj të gjithë garuesit dhe ju uroj suksese edhe mëtutjeshme.