Akademia “Tiger” shkëlqeu në 3rd Tirana Trophy me 14 medalje dhe një trofe

Gjatë kësaj fundjave më datë 28 tetor 2017, në Tiranë u mbajt gara ndërkombëtare në Taekwondo Kyorugi (dyluftim) dhe në Poomsae (forma) ”3rd TIRANA TROPHY”, ku morën pjesë 450 garues nga 8 shtete.
Akademia e Taekwondo-së Hapkido-së Tiger u paraqit me 13 sportistë nga të gjitha grupmoshat.
Rezultatet e arritura në dy disiplina janë:
5 medalje të arta, 3 të argjendta dhe 6 të bronzta dhe nje trofe për vendin e parë në forma (Poomsae).
Vlen të theksohet se edhe këtë vit ishim të vetmit garues nga Kosova në disiplinën e formave.
Në emër të A.T.H. Tiger i përshëndes të gjithë garuesit, duke ju uruar suksese edhe më të mëdha në të gjitha sferat e jetës.