“Tiger” i pari në “2nd Kaçaniku Open 2013”

Akademia Taekwondo-së Hapkido-së ’’Tiger’’ zuri vendin e parë në Kampionatin e Taekwondo-së “2nd Kaçaniku Open 2013”

Të dielën më datë 09.06.2013 në Kaçanik, u mbajt Kampionati në sportin luftarak olimpik Taekwondo, që organizua për nder të 14 vjetorit të çlirimit të Kaçanikut dhe 11 vjetorit të themelimit të Klubit Taekwondo-së “Shqiponja” nga Kaçaniku.
Në këtë garë u paraqitën 11 ekipe, mbi 100 garues, që ishte i një niveli të lartë me një konkurrencë të fortë. Ekipet pjesëmarrëse ishin: 5 ekipe nga Kosova, 4 ekipe nga Shqipëria dhe 2 ekipe nga Mali i Zi.

Akademia e Taekwondo-së Hapkido-së Tiger, pati një paraqitje jashtëzakonisht të lartë nga të gjitha grupmoshat, ku arriti të shpërblehet si ekip me vendin e parë.

Garuesit e Akademisë Tiger fituan gjithsej: 26 medalje, prej tyre 10 të arta, 10 të argjendta dhe 6 të bronzta. Kryetrajneri i akademisë Tiger Muhamed Saqipi shton: Në ketë eveniment “2nd Kaçaniku Open 2013” treguam sukses të kënaqshëm , arritëm të jemi të parët. Jemi të kënaqur për suksesin e arritur dhe i përgëzoj të gjithë garuesit dhe ju uroj suksese edhe mëtutjeshme.