Trajneri i Akademisë TIGER zgjedhet Selektor i Përfaqësueses së Kosovës

Me datën 29.11.2018 në mbledhjen e dytë të Këshillit Ekzekutiv u emruan drejtori teknik, selektorët dhe kryesuesi i këshillit të referëve.

Trajneri i Akademisë TIGER Muhamed Saqipi zgjedhet një nga selektorët të Përfaqësueses së Kosovës për të gjitha kategoritë dhe atë ne dy disiplinat Kyorugi dhe Poomsae. .Zotëri Muhamed Saqipi shtoi, “Falënderoj të gjithë ata që më kanë besuar këtë detyrë dhe ndihem shumë i privilegjuar, por njëkohësisht edhe një përgjegjësi të madhe për këtë detyrë. Me përvojën time afër tre dekadash jam i bindur se me këta reprezentues, vendit tonë mund t’i sjellim medalje botërore dhe olimpike dhe njohje edhe më të mëdha në arenën ndërkombëtare duke i shpalosur vlerat tona si një popull i talentur në sportet luftarake. Suksese të gjtihëve.”